陸永嘆收視未夠爆 又南:朋友個個讚

20160420
東網電視
更多新聞短片
《殭》收視未見高開,但睇見陸永(右圖左)與又南咁受歡迎就知套劇受歡迎啦!

藝人陸永、黃又南和胡鴻鈞等在中環出席無綫劇集《殭》的「殭屍突襲 攝戰中環」活動,與現場觀眾大玩遊戲,引來大批途人觀看。

談到劇集收視未算高開,陸永坦言不開心:「拍得咁辛苦緊係想多啲人睇到!」更指台前幕後花了不少時間落足心機拍攝:「你Hea住做,人哋覺得你Hea就先係抵死。」所以希望觀眾追看時愈睇愈覺過癮。

睇劇要公道啲

而又南亦指劇中的激情戲、感情線尚未浮面,所以現階段成績未能代表整套劇。他認為收視或多或少受ViuTV開台影響,但不少人、包括自己在內都會在網上收看《殭》:「要所有人鍾意係冇可能嘅事,但身邊嘅朋友都係讚嘅。」他們以電腦特技為例,指劇集在此方面做到盡善盡美,陸永更謂:「公道啲,唔好當睇《復仇者》,你睇慣咗就梗係話乜都唔得啦!」

談到有網民踩女主角謝安琪(Kay)樣假,陸永指對方並不「膠面」:「識佢嗰陣已經係咁,我十幾年前已經識佢,一係佢嗰陣時已經膠咗!」至於Kay老公張繼聰亦在網上反擊,問陸永老婆被批評時會否一樣,他即表示會一笑置之:「哈!咪咁囉!呢個地球度咁多人話你!」