雷晴雯情緒問題當傷風感冒散播正能量

20160421
東網電視
更多新聞短片
雷晴雯最終憑鬥志征服抑鬱症。

藝人雷晴雯Winnie(前名雷穎怡)日前拍攝關注情緒健康問題的節目,演繹情緒健康案例,Winnie表示已故外婆及亡母畢生受盡情緒病的困擾,因此她份外關注此問題,她表示獲邀拍攝節目時更加百感交雜:「呢十幾年我都渴望可以為情緒病患者做啲嘢,希望能夠將正確訊息同社會大眾分享,等大家了解點先可以真正幫到呢群已經立於懸崖邊緣嘅有需要人士。」她表示自幼親眼目睹母親多次抑鬱症病發,最終病情嚴重至醫生宣告藥石無靈,Winnie慨嘆當時情緒病並未被大眾正視和接受,常以「黐線」、「精神病」等去形容情緒病人,偏偏這些字眼對情緒病患來說如同利刃。

過去Winnie曾承認自己亦兩度患上抑鬱症,她對此直認不諱:「第一次係我媽咪患淋巴癌末期,我長期喺醫院陪佢照顧佢嘅時候,另一次係五年前脊椎重創到近乎癱瘓,只能喺床同坐輪椅兩年。」不過Winnie仍以正能量面對問題:「每個人都會病,有病就要去醫!愈早面對就愈容易康復!情緒問題在我眼中只係好似傷風感冒,最重要係自己或親朋好友點察覺到,問題出現後就必須勇敢面對,切勿諱疾忌醫,對患者亦要畀多啲愛同耐性。」