畀苑瓊丹摸勻全身　陳山聰開心忘詞

藝人陳山聰、陳煒及黃光亮等於電視城為無綫新劇《火線下的江湖大佬》進行拜神儀式。陳山聰即場舞獅祈福，為即將播映的新劇打響頭炮！他透露於劇中會與岑麗香親身上陣拍半空舞獅戲，自認畏高的他盛讚對方聰明大膽：「有企上梅花樁舞獅場口，香香都要求自己做番。我都驚驚哋，我畏高！」

山聰又搞笑大爆於劇中經常被首次合作的拍檔苑瓊丹「揩油」，更一度被對方摸到忘記台詞：「陰公，佢喺劇入面好冧我，對我周身摸！我成個上身畀佢摸勻，除咗下身。試過一幕我要一路讀台詞、一路畀佢摸。佢專揀敏感部位，搞到我唔記得台詞，要嗌停佢！」