汪明荃叫港鐵減車費　嚇窒港鐵主席！

藝人汪明荃今日到港鐵香港站出席「開心搭．生日獎」活動，即席為港鐵抽出五月份搭港鐵生日優惠的幸運日子，最終抽出5月17日，而該日生日的市民將獲得生日禮包，包括一張全日通車票以及優惠券等作為獎勵。

活動上汪明荃更化身港鐵智囊，向港鐵主席馬時亨提出不少意見，除了希望主席可以減車費令更多市民受惠之餘，亦建議在出糧後的一日實施全日免費搭港鐵優惠去刺激市民外出消費，以「急市民之急」為宗旨，令主席一時應接不及，並大讚她謂：「果然係人大代表！」汪明荃笑言：「係咪好後悔請我嚟呢？」而活動上汪明荃除了獲贈生肖豬年的紀念車票之外，更獲贈一個穆桂英的汽球公仔。

全香港都免費搭港鐵

汪明荃受訪時認為市民正面對港鐵車費高的問題，又謂「開心搭．生日獎」的活動未能令大部分市民受惠：「搞呢啲活動都要好大嘅支出，減啲票價仲好啦！我都提議如果每個月出糧之後嗰日全香港都免費搭，我相信一定可以帶動香港消費，咁會好開心，要帶動消費，你哋同唔同意呀？啲老人家一定好開心，唔使煮飯，搭車又唔使錢，每個人都可以慳番一、二百蚊！（搵你做智囊？）係呀，要急市民之急，而且政府都有份。」

不過，汪明荃表示自己平時都會搭港鐵，大讚搭港鐵可以令時間更好掌握：「有時啲地方好難泊車，而家香港交通相當之貴，有時塞車又塞得好犀利，又要搵停車場都好難。（搭港鐵會隱藏自己？）唔使！無人理你架！個個望住個手機，個個自己行。（畀人集郵？）除非佢知係你啦，但有時佢哋都唔會睇，個個都好似好急咁。」

冇睇ViuTV

提到ViuTV最近開台，汪明荃直認未有看過其節目，笑言：「我都唔知點開，邊個台都未知。（會睇？）有時間都會嘅，但我真係冇時間。（感壓？）歡迎啦梗係，有多啲台，好嘅節目先會一齊競爭，同埋無綫都加強個攻勢，有『myTV SUPER』。無綫個宣傳係犀利。」不過汪明荃則未有留意ViuTV的新聞，至於會否拍劇坐陣則交由公司安排：「呢啲唔使我哋擔心。」