關智斌事隔8年Chok爆出新歌　網民感動

歌手關智斌（Kenny）事隔8年再次推出新歌《次要角色》並放出宣傳照，見到佢造型滄桑一抹以前嘅斯文靚仔Feel，唔少Fans大讚有型。

而早前到電台宣傳新歌的Kenny自爆最近愛上做運動：「會跑步、健身、行山、游水、打Boxing，全部都特登搵人上堂學，因為想動作做得好啲。（練大隻？）都唔係好大隻，但依家體脂係得11%。」他又表示經常自己一個人去行山，加上正在學攝影，所以會不時將相放上網呃like：「然後我啲朋友就會打嚟鬧我，話一個人行山好危險，Steven（張致恒）佢哋仲會send啲行山失蹤嗰啲新聞畀我。」

講到有傳Steven與莊端兒早前甩拖，Kenny反問記者事情真確：「我唔知喎，係咪真㗎？出報道前排我Call過佢借泳池，仲聽到佢兩個把聲，以為冇咩嘢。」問到報道出街後可有致電關心Steven？他表示：「冇再問喇，佢睇得好開嘅，佢經驗咁豐富。」