挽回面子　有村架純低收視劇集掃3奬

日本當紮女星有村架純夥拍男星高良健吾主演嘅劇集《思戀哭泣》（前名《何時想起這段戀愛也會哭泣》），雖然創下富士電視台「月9」重頭劇檔嘅史上最低收視記錄，但喺昨日公布結果嘅「第3屆Confidence Award日劇賞」中，該劇就奪得最佳日劇奬，連同最佳劇本同AAA成員西島隆弘嘅最佳新人，掃走三奬成為大贏家，可謂挽回面子。至於視帝選定《Fragile》嘅尊尼組合TOKIO主音長瀨智也，視后從缺，而最佳男女配角分別係佐藤隆太同仲里依紗。