張家輝自爆曾有衝動參加MMA

藝人張家輝穿上黑西裝、白裇衫出席活動，問他有沒有看宋仲基主演的韓劇《太陽的後裔》？他坦言：「冇喎，知道宋仲基呢套劇好受歡迎。（老婆關詠荷有冇睇？）佢唔多睇，兒童節目會睇，新聞都會。」而問他有沒有看《G1格鬥會》？他表示有留意報道，續說：「曾幾何時有諗過自己可以上雷台度打，初初學泰拳嗰陣好有雄心壯志，好多年前，學咗一年幾，好有衝動想同對手打。不過當時有拍戲，可能會被打傷，唔可以咁不負責任，唔想影響拍攝進度，所以冇參加MMA。（女仔畀人打好慘。）上得台就預咗，要有體育精神。」

另外，提到黃秋生想練到跟他一樣大隻，家輝即笑言：「祝佢好運，冇Tips，有恆心就得。（你係咪已經放棄咗健身？）完全放棄咗，可以Pick up番嘅，不過唔係為身材大隻，最重要有搏擊。」