網民熱話：女神讓位！秦煌45H做巨乳煌
20160423
東網電視
更多新聞短片
秦煌咁樣露法，一班妹妹仔真係都要行埋一邊啦！
近日無綫新劇《殭》全城熱播緊，當個個都將注意力放喺人妻女神謝安琪（Kay）有幾咁樣靚身材正嘅時候，有一個人竟然無視Kay嘅威力，喺劇入面大晒超大迷人白滑巨乳搶鏡，個震撼程度直頭連啲網民睇完都話：「我喺屋企睇到呢個畫面，我全家震撼！」到底邊個咁大膽，竟然夠膽喺女神Kay面前晒巨乳爭飯食？佢唔係啲乜乜bb，物物Baby，佢係秦煌！係呀，你冇聽錯，就係現年68歲嘅秦煌，綽號「巨乳煌」！
話說喺第九集入面，秦煌畀佢兩個徒弟黃又南同陸永擦背，三個都半裸上陣！而秦煌就露出佢個超大迷人白滑巨乳，網友話目測最少有45H，就連陸永見到都O晒嘴！完勝所有新咪神，嗰啲咩32C、34D全部都要行埋一邊啦！但去到尾段，秦煌條毛巾竟然反地心吸力向上易，遮番嗰兩點，唔知秦煌係咪都有啲怕醜呢？有網民就話睇完之後表示不安，仲問「巨乳煌」可唔可以戴番個Bra先？傻豬嚟嘅，話明目測有45H，咁易搵Bra咩！
講開又講，秦煌已經獲封為「真人版」卡比獸，無論個樣同身形都一樣樣，依家秦煌哥哥仲豁出去露埋巨乳，唔通卡比獸再發育仲有得進化？
而咁啱呢個時候，TVB就搞咗個《殭》最Like人氣女神選舉，今次「B餐女神」謝安琪仲要唔同大家爭，入選嘅都係新晉女神，包括賴慰玲、陳嘉寶、陳凱琳、劉佩玥、阮兒同仲未出場嘅陳瀅，依家走勢最強嘅係陳嘉寶，個比賽由噚日開始，佢已經有成3,000幾個Like就快沖破4,000大關。唔少網民都留言話：「識揀一定係揀Anjay，五官靚又有性格！」而賴慰玲唔知係咪因為個角色唔討好，暫時以900幾個Like包緊尾，不過，都有網民力撐佢，留言：「你因為套戲覺得佢煩同討厭，證明佢做戲已經成功了，我支持你賴慰玲！」但係有網民就話要選就加埋「巨乳煌」，話佢先有資格做真女神喎！
網民有話兒：
君X：賴慰玲的角色不討好，但她卻把角色演活了。
冬日XX：唔係呢班呀，最Like人氣女神就緊（梗）係羅蘭啦。
Esxxxx Yu：我心目中嘅女神係羅蘭囉！
Stella Yxx：謝安琪已是女神，不用選了！
Linda Wxxx：最LIKE荷蘭阮兒。
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：