鄭嘉穎自認似元華：最多幾十年冇洗頭

藝人鄭嘉穎、陳凱琳、陸永以及陳嘉寶等到葵芳出席無綫劇集《殭》傳宣活動。其中嘉穎及陸永服裝更是襯到絕，受訪時嘉穎笑言：「因為心有靈犀啦，黑白最易襯！（會與女友陳凱琳着情侶裝？）唔會，各人品味唔同，着番自己舒服嗰啲啦。」

陸永囡囡追《殭》睇靚仔

而嘉穎今次也沒有偕女友陳凱琳一齊受訪，反而拉埋陸永一齊。二人被問到收視時，陸永即笑言：「我唔滿意呀，因為我想多啲人睇嘛！」嘉穎亦笑言收視永遠可以更好，很有信心在餘下的三分之二劇集收視會繼續上升。不過嘉穎卻自爆其母對《殭》並不受落，認為《殭》較適合年青觀眾：「佢話，嘩！咁多血嘅？又咬人嘅？」而陸永又笑言囡囡追劇時，當見到爸爸就不看：「不死人同殭屍都睇，因為佢知道咩係靚仔（指鄭嘉穎），佢原本都覺得我靚仔。（好hurt？）咁又冇，但唔知點解咁快就由原本佢喺電視見到我好興奮變到唔鍾意睇。」

提到嘉穎劇中的造型被網民瘋狂討論，又被指似元華，他笑言自己曾想過參考「犀利哥（靚仔乞丐）」及電影《功夫》中周星馳的造型，惟最後才打算參考《功夫》中的元華：「因為佢係武林高手，已經隱世埋名，似喇！（五百年冇洗頭？）有嘅，五百年前邊有gel啫，我用gel㗎嘛！最多話幾十年冇洗，咁就合理喇！」

尊重女友宗教

提到嘉穎最近偕陳凱琳返教會，嘉穎認為了解對方的宗教是一種尊重：「我尊重每一個人嘅宗教，當我唔知道、唔認識嘅時候，我想多啲認識啫。（咩感覺？）詳細就唔講喇，呢啲好私隱。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment