森星風騷默認同伊勢谷友介戀情

24歲日本混血女模森星上星期被雜誌《Friday》踢爆撻着長澤正美舊愛兼39歲男星伊勢谷友介，更被斷正一同返男方寓所半同居。

事隔幾日，森星喺爆出戀情後，噚日首度亮相公開場合，出席兵庫縣嘅活動。以連身裙晒腿現身嘅佢，當然被現場傳媒包圍追問感情事，不過森星亦似乎有備而來，雖然全程封口不提伊勢谷，但就不時風騷微笑，最後更講咗句：「都係交畀大家自己想象啦！」講完仲展露甜到漏嘅笑容，擺明默認同伊勢谷蜜運中。

至於伊勢谷同日都喺東京出席活動，佢被記者問到戀情時就一味扮傻，問番記者問緊邊個，跟住未有回答就笑笑口走人。