森星风骚默认同伊势谷友介恋情

24岁日本混血女模森星上星期被杂志《Friday》踢爆挞着长泽正美旧爱兼39岁男星伊势谷友介，更被断正一同返男方寓所半同居。

事隔几日，森星喺爆出恋情后，噚日首度亮相公开场合，出席兵库县嘅活动。以连身裙晒腿现身嘅佢，当然被现场传媒包围追问感情事，不过森星亦似乎有备而来，虽然全程封口不提伊势谷，但就不时风骚微笑，最后更讲咗句：“都系交畀大家自己想象啦！”讲完仲展露甜到漏嘅笑容，摆明默认同伊势谷蜜运中。

至于伊势谷同日都喺东京出席活动，佢被记者问到恋情时就一味扮傻，问番记者问紧边个，跟住未有回答就笑笑口走人。