出汗當做運動 陳松伶嗌老公探親熱戲班

20160425
東網電視
更多新聞短片
吓……探親熱戲班,會唔會有啲……

藝人陳松伶在將軍澳一間酒店為無綫新劇《全職沒女》開工。講述扮演酒店CEO的張兆輝與陳松伶有個一夜情,陳松伶見張兆輝後不停打嗝,為逃避對方,慌忙走避,之後她又扯跌大堆玻璃杯,烏龍百出。

劇中扮演傻大姐的陳松伶有不少動作場面,要穿過枱底、又要跌落地,今早拍攝時也擦傷手臂。問到陳松伶拍攝動作戲可有難道?她笑說:「我呢個年紀就有啲難度,不過,出汗就當做運動,可以伸展吓。」

唔可以分開一個月

張兆輝爆陳松伶要求加親熱戲,問到她有什麼親熱場面?陳松伶說:「唔知,到時先至知。(老公知唔知?)佢知呀,有叫佢嚟探班,但係佢話邊有人會咁樣叫老公嚟探班。(同張兆輝合作順利?)佢好好戲,令到拍攝好暢順。自己角色亦做返自己,有啲神經質,動作戲仲唔使武指,自己度埋,真係幫TVB慳番唔少。(老公會唔會頂唔順你嘅神經質?)佢都唔知幾enjoy,我製造好多笑料。老公之前嚟咗香港24小時陪我開工,之後就返咗大陸開工,我哋有個原則係唔可以分開一個月,大家會抽時間去探班,機票冇得claim,成本都幾高㗎。」