佗B肥逾30磅！李蘊體重超標驚影響順產
20160425
東網電視
更多新聞短片
李蘊話醫生叫佢喺懷孕期間最好唔好重多過三十磅，但係佢已經超咗標，驚會影響順產。
預產期五月底生B的李蘊在instagram大晒大肚相，並配上坐着bb車的猴女BB圖案相及寫着「It's a Girl！」，向大家宣布懷上猴年B女。她留言表示：「感恩，itsagirl」。
第一胎生女冇所謂
《東網》即時求證李蘊，她開心說：「好開心呀，啱啱喺instagram公布係囡囡啦，因為係第一胎，其實男仔女仔都冇所謂，知道係女嘅時候其實都好開心，一來自己係女仔，二來女仔痴身啲又嗲啲，男仔大個咗向外多，女仔就顧家啲嘅，女仔比較貼心啲，小公主咁。」
減少食澱粉質
李蘊又謂自懷孕至今三十多周，重了三十多磅，但醫生稱最好不要重多三十磅，但可惜已經超標，所以要減少吃澱粉質，她坦言：「怕BB長胎，我食得多佢又長得快，咁會影響順產，會難以屙出嚟。」
首選順產
貪靚的李蘊坦言首選是順產，因開刀都多一條疤痕，因來不太靚，而做媽媽始終要經歷陣痛過程，才叫圓滿，所以好期待那種痛感覺是如何。她又謂：「因為依家個肚都幾大，唔方便再走嚟走去，所以到生都會留喺香港。（諗咗名未？）未呀，都係等爸爸改，或者爺爺嫲嫲諗吓，或者出咗世先諗唔急嘅。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：