【物似主人型】蔡卓妍同愛犬鬥童顏
20160426
東網電視
更多新聞短片
蔡卓妍一返屋企就畀愛犬挾持走都走唔甩。
蔡卓妍（阿Sa）自從同陳偉霆分手後，傳出同餐廳老闆新歡Hudson拍拖，仲話對方曾夜訪阿Sa香閨，不過阿Sa好快就否認。單身嘅阿Sa好彩都不愁寂寞，一返到屋企仲有嘢撲埋佢身度㖭，講緊係佢隻愛犬。阿Sa上載攬住愛犬嘅合照留言話：「回到家馬上被這隻小東西挾持住，妹妹已經九歲多了⋯但還像一個小baby一樣⋯萌娃娃。」9歲幾真係算老狗喇，但阿Sa仲話愛犬似小baby，而阿sa都33歲，但個樣仲係好童顏，唔怪得網友都留言話：「物似主人型，你也是個萌娃。」、「你也是啊！永遠都是少女模樣」。
另外，近排大熱的美圖影相app，阿Sa都有玩埋一份，單起隻眼嘅佢，十足十韓妹咁，呢啲app真係偉大嘅發明呀！不過可能美圖得太厲害，有網友竟然話唔似阿Sa喎！
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：