跳脫衣舞 袁偉豪土豪金三角褲誘黃智雯

20160426
東網電視
更多新聞短片
袁偉豪預告拍攝跳脫衣舞戲時會着土豪金三角褲色誘黃智雯。

藝人袁偉豪、陳智燊與新人郭子豪在將軍澳電視城為劇集《三個女人一個「因」》試造型,三人在劇中周旋於性格分裂的黃智雯之間。袁偉豪將表演脫衣舞色誘黃智雯,他說:「場戲係黃智雯嘅幻想,黃智雯收到劇本已經叫我操定六舊腹肌,不過自己都有底線嘅。(會着咩底褲跳舞?)最多都係着參選香港先生時嘅土豪金三角褲。(黃智雯對你好多幻想?)我哋合作過幾次,好多嘢可以開心見誠去講,佢叫我唔使怕羞,叫我着T-back跳喎。(會唔會搵女友幫你揀底褲?)都好,用女性嘅角度去揀會好睇啲,開工嘅時候睇吓使唔使僭建,使唔使立體啲。」

唔介意執二攤

講被有傳執羅仲謙二攤,袁偉豪說:「唔知,不過冇所謂,多個機會咪好好把握,大家都係向前行緊。」

而飾演黃智雯未婚夫的陳智燊表示沒有激情戲,角色斯文,鹌鹑性格,但不能做得滑稽,這才是最考功夫,他說:「黃智雯要做三重性格,睇見到戥佢攰。」