劉佩玥休息不足致免疫力差

藝人劉佩玥（Moon）以奧運宣傳大使身份到尖沙咀出席無綫奧運宣傳活動「2016里約奧運會倒數100日」。今次是她第一次以藝人身份參與奧運節目，相信更能感受奧運氣氛。Moon表示想藉奧運惡補運動知識，還可以偕媽咪一起透過電視機欣賞奧運。

問到可會一邊睇奧運一邊食花生薯片？Moon笑言自己身體最近出現狀況：「唔可以喇，唯有飲果汁同埋媽咪煲嘅靚湯啦。其實係免疫系統問題，我都乖乖哋去睇醫生，我會快啲好番唔使其他人擔心。」Moon又表示因休息不足而誘發身體不適，所以最近落力操Fit自己增強身體抵抗力！