【真係㗎？】27歲連詩雅第20次失戀

現年27歲嘅歌手連詩雅（Shiga）近日因為真人騷而畀網民抨擊為「港女」，話佢中英文夾雜，講中文又有r音，仲話佢係偽ABC呀！今日仲爆出佢同拍拖三年嘅「麻雀館大王」石鑑輝家族後人、家族身家成百億嘅石恒聰（Anthony Shek）分手，之後佢接受《東網》訪問時都承認咗分手傳聞。

擁長腿同甜美聲線嘅Shiga，15歲就入行做?模，2010年殺入樂壇，之後緋聞同是非就停不了，除咗同前男友曲赤嘅慾照流出外，又被爆四年間分別識咗19個男友，包括王浩信、關楚耀同永安太子爺郭永淳等，戰績相當彪炳！Shiga感情路勁多波折，前年6月被影到出入Anthony嘅半山寓所，之後只好承認戀情，從此修心養性。但可惜戀情曝光不足兩年，Shiga就要面對第20次失戀。