做運動同唔做運動分別？黎美言話你知

黎美言（Winkie）自參加ViuTV真人騷《G-1格鬥會》後，是非多籮籮，被其他參賽者選為最乞人僧選手，只得龍小菌撐佢，隨着節目播出，觀眾就睇到成地花生。Winkie雖然喺節目入面被眾女杯葛，搞到人緣極差，但其實佢都有得着嘅。

Winkie今日就上載一前做運動同唔做運動前後對比圖，留言話：「一做運動與不做運動的分別。所以你說怎能不做運動？生活與運動是不可分開的，左圖是我最肥的時候，上年5月剛接觸打拳之前的肥妹仔，手腳都很水腫，起初由打拳減肥，變了參加比賽，再於今年剛剛考上教練牌，整個過程很奇妙，亦很感恩，希望打拳這個健康的帶氧運動，可以一直保持着體型（形），陪我堅持著（着）很多很多年, 我很愛泰拳！」睇嚟參加呢個節目令到Winkie愛上做泰拳，唔單止體形變結實，佢仲打到有教練牌，又多樣嘢方便「搵食」，真係一舉兩得啦！