黎明叫場外粉絲咪燒雞翼　最緊要開心

天王黎明（Leon）喺中環海濱開緊騷，有好多粉絲入場支持，亦有唔少人揸車停泊核心嘅外圍，又帶齊野食，邊「野餐」邊聽Leon唱歌！

而喺核心內圍嘅Leon，原來都知道呢個情況，佢仲叫大家最緊要唔好燒雞翼同生火，Leon話：「知道出面泊咗好多車，喺度野餐，帶埋紅酒、Parma Ham，不過唔緊要嘅，最緊要唔好喺度燒雞翼，任何會燒嘅嘢都唔好！」

佢又指相信外圍嘅人係聽到佢講嘅嘢，所以至緊要小心啲！Leon仲講今日嘅濕度OK，唔會食到啲塵！總之大家最緊要開心，唔好唔開心！如果見到阿Sir，阿Sir叫你畀番個空間，咁就大家退一退，一人讓一步！

Leon唔止冇介意唔少人喺場外「另類享受」免費聽歌，仲溫馨提示大家！嗚……佢好「萌」呀！