自嘲硬件輸阮兒　陳嘉寶紅唇妝出晒事

藝人陳嘉寶（Anjaylia）、陳凱琳（Grace）、鄭嘉穎及阮兒等，於坑口為無綫劇集《殭》作宣傳。期間阮兒性感大晒三吋事業線到場，畫面養眼！

自嘲硬件輸阮兒

打扮密實的Anjaylia被問到是否被同場阮兒以低胸裝搶鏡？她笑稱各有美態：「佢有嘅我就冇，硬件上我冇，軟件上靠紅唇補數。」雖然陳嘉寶指今日靠軟件補數，但紅唇妝似乎不太適合她，更令她顯得方面。

提到她被指與男友同居？Anjaylia作出否認，又稱喜獲粉絲支持自己拍拖：「只係去佢屋企，因為第二朝工作地方喺佢屋企附近。我問過媽咪，佢批准後就去借宿。（同房瞓？）點答讀者都有幻想，總之同一屋簷吓。（表現守規？）我哋對信仰負責任。（影響女神形象？）唔會，冇刻意營造，做番自己。粉絲支持我拍拖，我男友會同粉絲傾偈，佢仲買個盒裝起粉絲畀我嘅信。（諗過同居？）冇諗過，但佢係我結婚對象亦係初戀。」

自覺愧對角色而爆喊

提到她於無綫專頁上的「《殭》最Like女神人氣選舉」中繼續領先第一，Anjaylia自覺幸運，又透露曾因自覺愧對角色「何月」而爆喊。她說：「我好幸運，角色討好。我拍完發覺好多地方做得唔好，所以去咗美國學戲一個月。當中有堂教分析角色，上完我傳短訊畀賴慰玲話覺得嘥咗「何月」。（講到喊？）有，愧對咗角色。」