讚黎明超nice 宣萱:佢對人冇目的

20160503
東網電視
更多新聞短片
宣萱又讚黎天王好照顧人。

藝人宣萱帶同愛犬現身電台節目,跟主持人雷頌德大談寵物經,她又謂跟對方是同一間大學,很久不見,今日可以聚舊。講到她昨日有睇黎明(Leon)演唱會,她表示:「雖然有啲意外發生,但成個氣氛仲推得高啲,好開心見到佢啲fans好瘋狂,好支持,就算發生意外,個個都好正面支持。(聽佢講同側邊fans傾偈?)側邊都係我自己朋友,所以咪同克勤嗰啲影吓相。」她亦謂黎明為人放鬆:「從佢講嘢知道佢用輕鬆態度面對,唔係好緊張。」

她亦講到廿多年前跟對方合作拍劇:「好佩服佢咁多年嚟啲fans嘅range都好闊,由𡃁妹到老人家都有,咁多年都keep到,我覺得好touching、好感動。(佢嗰陣已經多金句?)同佢拍劇好開心,雖然佢嗰陣已經係天王,但都係人一個,會一齊玩,佢好nice,好照顧人,因為我哋住附近,佢都成日車我,對人冇目的,我會對佢有目的多過佢對我有目的。」