【有圖】黃子恆孖人妻林夏薇街頭咀得激
無綫藝員林夏薇與黃子恆在將軍澳電視城為劇集《乘勝狙擊》拍攝咀戲,劇情講述黃子恆用水泡餅代替戒指求婚。林夏薇應承後,兩人即相擁錫錫,前後咀了兩次便完成拍攝,認真快手。

爆老公日日求婚

問到林夏薇拍攝求婚戲,可有想起老公求婚的場面?她Sweet爆說:「結婚前佢每日都同我求婚,問我可唔可以嫁畀佢,結婚之後瞓醒都仲有問我可唔可以嫁畀佢。(老公係咪日日送鑽戒求婚?)冇,同老公相處最舒服係佢夠簡單,求婚有鑽戒嘅,詳細唔講喇。(老公批准拍咀戲?)做嘢唔使交代,之後同陳展鵬仲有更激全祼戲,講我哋係老千,要除衫證明冇偷嘢。本來老公都唔知有呢場戲,有日老公見我試打底衫先發現,話我太瘦,提我打底衫要貼身。」

林夏薇與黃子恆於劇中更有激情床戲,劇情講述林夏薇利用黃子恆激陳展鵬,兩人卻於酒後亂性。問到黃子恆與人妻拍攝咀戲可有壓力?他說:「如果對手冇避忌會放心啲,對方抗拒仲驚。」

最強娛樂APP《東網巨星》,不時推出最新最好玩娛樂節目,除了早前推出的特備節目《發哥有Say》、《黎明話你知》外,每個禮拜都仲有好多其他精彩娛樂節目。如果鍾意韓風嘅,集中介紹最新韓劇、韓片同韓國最新歌曲嘅《韓劇榜》,同埋Highlight每周韓星訪港精彩片段,以及報道韓國演藝圈最新動態嘅《韓風吹》絕對啱晒你。仲諗咩呀!快啲Download啦!

最強娛樂APP「東網巨星」下載連結:
http://on.cc/redirect/entertainment