陳煒自言冇演過路人甲　黃光亮激動爆粗

藝人黃光亮、陳煒、李天翔等在將軍澳電視廣播城拍攝無綫節目《男人食堂》，圍繞主題「我是路人甲」作分享。黃光亮直指人人都是路人甲，陳煒聞言即反問：「乜唔係個個都係主角咩？」男方卻謂：「拎到專利就係主角！依家連種子都畀人拎專利，So what the fxxk is going on！」又指種子不應用來申請專利。自言自己是業餘演員的他更指因為每人勞碌過活，所以是路人甲：「細個阿媽同你講你要讀書、搵工、搵老婆、生仔、供車、供樓、等死，有邊個唔係咁？」

「選美冠軍都係路人甲」

問到陳煒有否做過路人甲，她謂自選美奪冠後，已開始做有對白的角色，言之下意即是沒有做過路人甲，此時黃光亮即謂：「冠軍都係路人甲咋嘛！每年都好多人係冠軍，都係路途上嘅過客，所以唔好介意。」隨後，陳煒解釋對方的意思是叫人不要自大、要謙虛，黃光亮亦對此爆粗作出補充：「你問我有冇做過路人甲？X你呀，你冇做過路人甲？」

贏口碑唔介意收視

談到他們主演的劇集《火線下的江湖大佬》收到七宗投訴，指不應以黑社會、江湖作拍攝題材，黃光亮就笑指沒有黑社會這回事，更謂：「咪唔好睇囉！（唔睇冇收視喎。）冇收視關我咩事？又唔係我投資！除非我做得唔好㗎啫，咁我係咪唔好呀？」他語畢即怕醜匿在陳煒背後，非常搞笑。而陳煒就表示劇集口碑好，一眾演員亦好合拍和齊心，並指該個組合非常難得。