被指似韓國名人！林盛斌：會去嗰度發展

藝人劉威煌、吳日言等為慈善音樂劇舉行開幕典禮，獲林盛斌（Bob）、李曼筠（Maggie）及唐貝詩等撐場。

接受訪問時，Bob透露今次是特意出席撐旗下藝人劉威煌，更大讚威煌進步了很多：「今次戲份加重咗，依家市道唔好，乜嘢形式嘅表演都要做，好似電影、電視、舞台劇咁，都知道佢排得好辛苦。」

主力簽司儀

問到可會簽更多藝人，Bob直言要慢慢嚟，並謂因知道今次有很多新人參演，所以看看有沒有有潛質的人可以簽，並順道支持一吓年輕人。問到想選擇甚麼類型的藝人，他指現時主要簽主持或司儀，當記者提議他日後可以開班教做司儀時，他即笑言：「我未有咁嘅能力。（簽女藝人多啲？ ）男女都OK，組合都冇問題。」

笑言拉近與宋仲基距離

談到Bob公司搞韓國網購生意，他透露是跟另一家公司合作，並搞笑指自己跟宋仲基的距離近了：「佢哋話我好似一個韓國名人，遲啲會幫個網站拍廣告片，希望可以喺韓國播，引起注意，我自己都會去韓國發展㗎喇！」