仔仔患自閉症　梁家玉冇諗過放棄

音樂人雷頌德的太太梁家玉（Jade）早前現身《有線娛樂新聞》，分享作為人母的心路歷程，以及照顧患自閉症兒子的感受。Jade憶述兒子於六歲時被診斷出患有亞氏保加症（即自閉症），她說：「一開始好擔心，但睇完醫生就好啲，因為當你了解咗係咩問題，知道佢唔係特登去做某啲行為，反而鬆一口氣。」

雖然教導自閉症小朋友可能比一般小朋友花更長時間，但Jade卻從未有放棄念頭：「我係佢媽媽，一定唔會有放棄嘅想法，我唔會責怪佢同自己。」問假如仔仔沒有自閉症，是否會比較好過？Jade斬釘截鐵表示：「唔會！我好開心有呢個仔仔。」

激讚雷頌德好男人

Jade辛苦照顧家中三個孩子，丈夫雷頌德亦一直支持她。Jade透露與前夫所生的兒子從外國回港，雷頌德一知道便叫他一同住，Jade直言：「呢個男人仲有咩好投訴？我冇嫁錯佢！」她坦言感激老公，更感觸落淚：「我同佢相處多年，唔係為衝動而結婚，而係大家真係好愛對方。我都結過婚，唔會特別想再結，係佢做到晒我嘅要求，係一個好好嘅男人，就算過幾多世再揀都會揀佢。」