王玉環一味靠勤力 升呢保險公司區域總監

20160505
東網電視
更多新聞短片
王玉環話最緊要勤力呀!

由影星轉投保隊業多年的王玉環(Agassi),已正式榮升為保險公司成立119年第一位女性高級區域總監,今天更舉行加冕慶典,她表示邀請了很多客戶、朋友及公司高層到場一同慶祝,她續透露談到成功心得:「唔放棄,目標要達到,要勤力、努力,唔易滿足,要突破自己。」又謂現時職位升了一級,希望日後有機會再升。

日日去見客

問到她可否透露年薪多少?Agassi說:「唔好啦,過我喺呢行好滿足,得到自己想要嘅嘢。(手上有幾多客?)1,000個人以上,最緊要係團隊,團隊有200人。(會唔會買樓獎勵自己?)希望,朝呢個目標進發。(覺唔覺女性易做呢行啲?)男女都容易,最緊要努力,我唔係香港人,係韓國華僑,又喺台灣讀大學,初初喺香港冇親戚,都係靠朋友介紹。(呢行最大挑戰或困難係咩?)困難唔多,最緊要係挑戰自己,逆境一定有,但我好好彩可以解決到,可以話有困難,但我每日都好勤力去見客。」

想多做善事

問到會否出書講述成功之道?她說:「我有出一本書係講推銷,都想出一本講管理嘅書,幫助做保險嘅人,同埋都想做多啲善事。(依家經濟唔好會否影響收入?)我喺1997年金融風暴嘅時候,我都係公司第一名,我覺得保險個個都需要,男女老友都需要,呢個係excuse(藉口)。」