晒自拍暗寸黎美言?劉燕妮感恩冇被毀容

20160507
東網電視
更多新聞短片
劉燕妮(左圖)今日晒自拍照,仲Hashtag話:「感恩沒有毀容。」唔通係暗寸黎美言打到佢到有飛蚊症一事?
憑ViuTV節目《G-1格鬥會》打到成名嘅格鬥女劉燕妮(Rika),早前上載千字文話會退出娛樂圈。後來就爆出佢搭上內地超級富二代石爍(Sky),最近佢亦不時喺社交網上放閃,有人就話佢:「唔怪得退出娛樂圈啦。」
面對種種是非,今日Rika喺社交網上載自拍,並寫下意似另有所指嘅留言:「人生充滿反思,從經歷中成長,需要好多勇氣去面對自己的不足,告訴自己要努力改善,讓過去的過去,好好活在當下。」佢仲Hashtag咁話:「共勉之」、「感恩沒有毀容」似乎暗寸參賽者黎美言(Winki)喺節目上打到佢到有飛蚊症一事。