曾反叛今回報 袁潔儀賺到錢請媽咪飲茶

20160507
東網電視
更多新聞短片
袁潔儀話要多啲孝順媽咪!

藝人袁潔儀被亞視拖欠薪金,不過近日成功過檔無綫而大有「錢」途,故她即大手筆請媽媽飲茶慶祝母親節。提到潔儀早前在亞視有汗出冇糧出的日子,袁媽媽都很激氣,她說早前有拜神希望神明保佑女兒,現在女兒轉投無綫,袁媽媽表示欣慰,一定會捧阿女場。問袁媽媽會否希望女兒像田蕊妮、陳煒及萬綺雯等從亞視轉投無綫後有好發展,袁媽媽說只要女兒鍾意,女兒做甚麼都沒所謂。

母女茶敍期間細說當年,「潔儀姐姐」不惜自爆曾是叛逆少年:「中學時跟過女同學去舞會跳舞,但畀人拉上差館,要由爸爸接我走,返到屋企,爸媽都出奇地冇責怪我喎!我中學時初戀都好口密,半句都冇同父母講過。」如今,潔儀努力回報:「陪多啲阿媽,佢之前額頭生蛇康復,記憶力差咗,日前我親手幫佢染髮全部都忘記。」說到此,潔儀姐姐都不禁眼濕濕。