【經典重溫】回顧黎明4D騷精彩金句
20160508
東網電視
更多新聞短片
睇黎明騷冇聽黎明講金句就等於白睇！
黎明（Leon）喺中環海濱活動空間舉行嘅《黎明LEON 30TH ANNIVERSARY RANDOM LOVE SONGS IN 4D LIVE 2016》就完滿結束，雖然成個演唱會極盡視聽效果，不過識玩就一定係留意黎明嘅金句啦！依家就一次過同大家重溫黎明4D騷嘅精彩金句啦！
4月29日
「我成日覺得好多時候，自己好想靠自己，遇到問題要keep住微笑去經營一件事，但其實係好難笑得出，但都要keep住笑。」
「我個人好記恩，我一定回報大家。」
「我從來唔覺得除衫鹹濕」
4月30日
「人哋叫我加油，即係睇住我死，下次應該叫good luck，因為唔同場合，講嘅嘢要唔同。」
「握手係一件好難決定嘅事，我只能用心去握手，但如果有任何意外嘅話，後面嘅觀眾就會因為握手而犧牲，唔緊要啦，我哋喺心靈上面握緊手，我見到你，你見到我。」
「將一個回憶放喺Database入面」。
5月1日
「雖然呢個世界上係冇永遠，但呢一刻，呢分鐘，我相信係有永遠，有時喺一個唔同地方做綜藝節目，我喺度行嚟行去嘅時候，有人會話：『Leon呀，你好萌呀！』，其實呢個『萌』字以前解釋係一個Cute，咁依家係Cute字加個阿叔，就係『萌叔』嘞！」
「知道出面泊咗好多車，喺度野餐，帶埋紅酒、Parma Ham，不過唔緊要嘅，最緊要唔好喺度燒雞翼，任何會燒嘅嘢都唔好！」
「其實講粗口，好多廣東字嘅發音好難聽，只不過你哋聽慣咗英文教育，就慣咗英文粗口。」
「啲煙花真係亂咁Seven飛。」
「我覺得人只要善良就得，但好多人話人本善良，其實喺好多唔同基因入面，都可以人本善惡！」
5月2日
「其實內地好多朋友的廣東話好叻，唔使同佢哋講普通話都聽得明，好多時同事同佢哋講普通話，大家根本聽唔明，不如佢哋講廣東話好過！」
「通常返工第一日起身刷牙嘅時候，個感覺都好矇矓，你食完早餐之後，坐交通工具或者揸車，你就會諗今日做啲咩？每個人諗嘅嘢都唔同。」
5月3日
「遇到結婚就結婚囉，遇唔到就等待結婚。呢個係每個人嘅性格，唔可以怪人嘅！所以結唔結婚嘅問題，唔好將你嘅責任放喺我度，我嘅責任亦唔會放喺你度。」
「我後生時一定會有衝動，可能嗌完交之後，會將個頭撞向牆角，或自己匿埋一角。」
「呢個社會就好完善嘅，有老人院，最緊要大家健健康康！其實呢個世界唔係咁恐怖，當你有家庭嘅時侯，應該珍惜老婆，唔好一結咗婚就老虎上身咁，呢個都係視乎性格。」
「有機會畀阿媽哦的話，可以先dup停佢先」
5月4日
「遲唔會遲，早唔會早，戴錶要戴樂都！」
「有啲網絡可能收到或者收唔到，我有三個電話網絡，覆蓋率一個收唔到都仲有另一個。」
「呢個世界需要愛，但愛係要對值得嘅愛，但值得嘅愛好難衡量，只有自己感覺。」
「好多時有啲嘢想問嘅時候唔問，可能唔問嘅答案好過問嘅，頭先諗到一啲嘢好耐，但都係諗唔講喇，因為可能答案唔講好過講，有啲嘢過咗去，問題係唔可以返轉頭嘅！」
5月6日
「我知道冇乜嘢講，我覺得冇乜嘢講就唔好講嘢喇，每個人都有極限，我都有極限，唔會強迫自己講嘢，強迫自己講嘢連自己都唔信，咁做乜要講呢？」
5月7日
「人與人之間好似朋友間燒嘢食咁，都會有一吓好唔捨得。我唔介意大家叫我Uncle或阿叔。有啲嘢想同大家分享，但唔使聽入耳嘅，因為思想會直入個腦。」
「我記得細過睇電視唔想熄，Daddy會用膠劍打背脊或打PATPAT，我唔會怪自己，因為我好自主，多謝每一人每一夜所有嚟過嘅人。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：