黎明成首位網上直播演唱會藝人

20160508
東網電視
更多新聞短片
黎明創舉多。

黎明4D騷除咗製作費高昂預計達7,000萬港元之外,成個演唱會都有唔少破天荒創舉,好似有立體投射、香氣和熱氣噴出,亦有飄雪效果,絕對係史無前例。連歌手譚詠麟和蔡一智等都表示有意效法舉行戶外演唱會。

而持有2,980港元鑽石級門票的觀眾,可到VIP區享用美食包括有鮑魚、紅酒、白酒、伏特加等等。黎明4D騷亦吸引大量市民到核心外圍免費聽歌,部份市民更帶備紅酒及小食等在場外野餐,高峰期核心外圍有多達千人聚集。

而頭場因牌照問題要臨時取消,黎明透過社交網致歉,強勁嘅危機處理獲網民力撐,黎明更被封為「最佳關公」。而真正嘅「首場」演唱會,亦因種種問題遲開騷,21:44開始到23:21結束,全程只得97分鐘,雖然短到破紀錄,不過歌迷們亦非常體諒未有怨言。

為咗照顧海外嘅粉絲,黎明首創在演唱會期間以Facebook直播, 獻唱《夜夜夢中見》時作四分鐘直播,吸引五萬人次收看,最終過百萬人次瀏覽,尾場亦進行直播,可惜因技術問題只成功播出三十三秒。