胡定欣搵埋男友同媽咪慶祝母親節

「視后」胡定欣、任賢齊、王浩信及陳國邦夫婦等，於淺水灣出席慈善步行活動。首次參加活動及擔任大使的定欣希望能與「胡說八道會」姊妹如胡杏兒等，齊齊探訪山區兼行善：「希望可以去山區探訪，想親力親為！而且依家與其收禮物，不如起個水窖，可以自己命名。（幫男友陳明道起一個？）無論邊個都應該Anytime做善事。」她又稱日常都注意用水問題：「希望轉用多啲自動水掣，一感應唔到就識停水。」

談到母親節安排，定欣就言帶男友與媽媽食飯慶祝：「咁啱唔使開劇，佢叫我早少少返。（送花或送禮？）可能揀紮花，通常請食飯，買甜品分享吓！（帶男友陪媽咪？）一定會，（見晒家長？）見過啦！」問定欣有否考慮親自下廚？她說：「唔好，反而我媽問想唔想佢煮，我爸就錫住個老婆，話煮咁辛苦就出街食。」