鍾嘉欣宣布有喜　岑麗香唔肯講BB性別

藝員岑麗香在葵芳出席無綫劇集《火線下的江湖大佬》宣傳，岑麗香穿起印有「三點式」圖案的T-shirt跳舞，十分搞笑！

講到岑麗香好姊妹鍾嘉欣宣布有喜，香香表示兩星期前返溫哥華見過鍾嘉欣，她說：「佢好有靚媽光澤，好開心、好快樂。（佢講有咗BB。）之前已經知。（會唔會做契媽？）可以自己話做，等佢決定。（鍾嘉欣有咗五個月？）等佢公布，呢啲係佢嘅私隱，不過見到佢喺母親節宣布懷孕，感受到嗰份喜悅，成班姊妹都好戥替嘉欣開心。（BB仔定女？）唔知道，唔知道，都係等嘉欣公布。（可有感染你想做媽媽？）未到我，我未Ready，但將來會。」