親揭雙眼皮之迷 連詩雅接受三點不露
20160510
東網電視
更多新聞短片
是咁的！Shiga覺得割雙眼皮好小事，只係怕痛先唔做！
歌手連詩雅（Shiga）今日到電台受訪，談到她的陳年寫真被網友公開上載，她笑說：「話咁快都十幾年前，我自己都差啲唔記得呢件事！」她指早就不見了這本寫真集，不知擺放在那裏，但坦言看到有網民指她變樣，她說：「人大咗個樣自然唔同咗。」
「雙眼皮膠紙係偉大嘅發明」
當年單眼皮的她，如今變成雙眼皮，被指有整容之嫌，她解話：「我想講雙眼皮膠紙係偉大嘅發明，我細個雙眼皮過一排，跟住過咗11歲真係變咗單眼皮，到咗14、5歲開始知有雙眼皮膠紙，就學識每一日都黐住嚟瞓覺，起身又黐，自自然然兩年之後就變咗雙喇！（點解唔考慮割雙眼皮，好小事都唔係咩整容？）其實真係好小事，但我真係好驚，因為打針依家我都會喊，如果人哋割，我都覺得冇乜嘢，但自己驚痛唔會考慮住。」
「嗰本都唔係好性感」
除了這本少女寫真，問到她可有影過更性感的寫真？她說：「嗰本都唔係好性感，冇啦，反而前幾年出唱片出過嘅相集仲性感！係全露背真胸上陣。」那可有計劃再出寫真？她表示暫未有計劃，並說：「睇吓嚟緊工作安排，8月我會開音樂會，嚟緊張poster睇吓點影，個造型會點再諗！（有冇書商斟你影寫真？）冇喎，可能我冇乜呢方面嘅市場，又唔係玲瓏浮凸，冇乜嗰方面條件。」
嫌嗰時有啲肥
至於再重看該本寫真感覺如何？她笑說：「好細個！（咩細個？）樣樣都細個，哈哈，嗰時都已經大定高定，不過覺得有啲肥，baby fat，依家識keep身型做多啲運動，適量嘅食量！（會唔會當年啲寫真燈光、化妝質素麻麻？）冇打燈㗎，就咁攞相機影！真係十幾年前。」
三點不露要有原因
問到她可接受更大膽和性感的寫真？她說：「點勁先？總之三點不露，好似外國一啲牛仔褲廣告，淨係着牛仔褲，上身唔着，用手遮住，我覺得ok嘅，如果冇原因為露而露我就唔會，最緊要睇吓件事係咩事，影得fashion啲，我接受到嘅！」
自認刀槍不入
陳年寫真被公開放上網尷尬嗎？她說：「呢排我係刀槍不入，因為已經冇乜太大感覺，已經抱住心態，無論發生乜事，最緊要係做好自己，音樂會嘅嘢令我壓力仲大，所以呢啲變成好小事，我反而好驚我音樂會售票多啲，希望音樂會畀大家睇到新嘅嘢，壓力仲大，可能有性感演出，喺意識上、形態上，但衣着上就未必。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：