【咀到呕血】黄宗泽冧爆娶翠如

20160510
東網電視
更多新聞短片
黄翠如与黄宗泽为新剧《幕后玩家》拍摄结婚戏份。

艺人黄翠如与黄宗泽(Bosco)为新剧《幕后玩家》拍摄结婚戏份,剧情讲述二人宣读誓词及情深一吻后,Bosco突然吐血晕到。现场所见,Bosco于宣读誓词时频食螺丝,两人情深一吻亦仅以蜻蜓点水式完成,监制陈维冠见状即要求他们咀嘴时停顿片刻,最后拍了五Take才过关。

死撑冇尴尬

被问到为何Kiss时有点尴尬?翠如死撑谓:“冇呀!我哋作为演员好专业嘅。(冇同萧正楠备案?)之前同Bosco有场仲劲,系我从影以来最大胆,我只脚要摆去Bosco度,佢仲教我将只脚放边冇咁辛苦。”Bosco亦谓:“拍嘢嘛!备咩案先?(你个日模JUN呀!)佢喺日本,唔好成日问住晒啦!畀啲空间人,同埋日本地震嘛,唔好乱咁去呀!”

感情关系复杂

而曾与萧正楠(Edwin)为该剧穿过四次婚纱的翠如,如今又与Bosco结婚,被取笑戏中感情关系复杂,翠如谓:“搞到我都好乱呀,角色讲我本身同Edwin先,后来先同Bosco,佢今日吐血未死得嘅,其实呢套剧着咗5次婚纱够晒恐惧,已经唔想再着嘞、好烦!”被问到新郎不是Edwin的感觉,翠如即撒娇扯开话题,她谓:“本来谂住喺红色暴雨警告下拍呢场戏好凄美,但拍嗰时又冇雨喎!”

望叶凯茵一切安好

对于同剧的叶凯茵年初曾因突发性妊娠毒血症被逼堕胎,Bosco表示双方虽然不熟络,但也望对方一切安好,翠如亦最重要是继续开心过日子。




最强娱乐APP《东网巨星》,不时推出最新最好玩娱乐节目,除了早前推出的特备节目《发哥有Say》、《黎明话你知》外,每个礼拜都仲有好多其他精彩娱乐节目。预知未来,相信好多人都希望做到,《东网巨星》APP其中一个重点节目《玄学星相》,除咗教识大家点样催吉避凶,仲会以玄学角度,帮大家八尽每周娱乐热话㗎!
最强娱乐APP“东网巨星”下载连结:
http://on.cc/redirect/entertainment