【似爸爸？】呂慧儀囝囝望女望到笑騎騎

靚媽呂慧儀（長腳蟹）帶埋一歲幾嘅囝囝「蟹籽」Anton去同班靚女朋友gathering，到影大合照時，Anton被一班靚女姐姐吸引，鏡頭都唔望，掛住睇女仔，仲要睇到笑騎騎，媽媽呂慧儀將「證據」上載到微博留言話：「專注力從來都放在漂亮的人事物上。小蟹籽！鏡頭在這邊啊！」

而相隔唔夠半個鐘，就輪到爸爸黃文迪上載抱住」Anton嘅相上微博，佢留言話：「最喜歡抱住迷你我」相中所見Anton同爸爸真係成個餅印咁，唔知黃文迪嘅「迷你我」除咗指仔仔同佢似樣，定係指性格「鍾意睇靚嘢」都似埋呢？