【善男信女】朱慧敏同彭懷安和氣生財

藝人朱慧敏聲沙沙出席美容活動，她表示正在學唱歌，聲線目前處於未開到聲與開到聲之間，又否認聲線受損，她說：「依家多咗客問我商演想唔想唱埋歌，我想精益求精所以去學！」

已完約TVB的她，被問無約是否一身輕？她透露與TVB傾新合約中，不過就隨緣心態，她說：「依家自由度大，係一個新階段，係藝人、歌手，自己做埋經理人同助手！」又謂將有可能演出一個歌舞舞台劇。

談到戚黛黛宣布訂婚，朱慧敏說：「佢早我一屆港姐，做過電台訪問，依家冇咗佢電話，不過都恭喜佢！（咁你呢？）冇呀，冇諗呢啲野，工作忙！又有去做運動同埋襌修。」

至於前男友彭懷安有否關心她的近況？她說：「係生意夥伴關係。（復合？）隨緣啦！（有追番你？）佢忙，我又忙，處理番自己嘅事先，佢係善男，我係信女，和氣先可生財，感情同生意係要分開嘅！」