李君妍打出一片天 新劇上位咀女夠挑戰

20160513
東網電視
更多新聞短片
佢哋四個都參加過《功夫新星》,所以都幾好感情!

無綫藝員李君妍、容天佑、譚坤倫和曾海昌曾同樣讀過無綫訓練班及,參加過武術節目《功夫新星》,故分外投契。最近齊齊在新劇《火線下的江湖大佬》演出,四人劇中扮演舞獅隊成員與岑麗香大鬥法。

入行七年終遇機會

外貌斯文省鏡的李君妍擺起架式甚有氣勢,現時只有24歲的她原來已經入行七年,她說:「細個好乖、好細膽,入行希望可以見識多啲,好開心可以做唔同角色,最近喺《幕後玩家》仲要同女仔鍚鍚,好有挑戰。」

各有強項齊齊等上位

16歲入讀訓練班的容天佑是跆拳道黑帶,稍後有機會到參加大陸武術真人騷節目,他說:「到時有機會見到田亮、釋小龍,諗起已經好緊張。」小時候曾習少林功夫六年的譚坤倫,入行後反而扮過不少專業人士,好似在《On Call 36小時II》演見習醫生令人留下印象,他說:「之前同李成昌開工,昌哥教我哋做嘍囉都可以有戲,好多謝佢教導。」曾海昌有舞蹈及詠春底子,不用開工會努力練功裝備自己,希望嘗試不同角色。