出發探訪尼泊爾災民！關詠荷自認眼淺

藝人關詠荷在機場出發前往尼泊爾，探訪當地災後重建工作。身為慈善機構兒童大使的關詠荷表示首次到訪尼泊爾，所以對當地感到陌生，而今次主要探訪當地經歷地震災後重建情況及向當地小朋友宣揚保護眼睛。

問到去當地有甚麼東西需要準備？關詠荷說：「當地有蚊患同空氣污染，要帶定防蚊物品及口罩，同埋都帶定杯麵。仲有要注意當地嘅禁忌，要提醒自己收埋左手，同埋唔好摸小朋友個頭。」

問到關詠荷可會眼淺？她說：「眼淺架，今次會去地震災區，其實之前睇到啲新聞圖片已經覺得好震撼。」可有想過帶女兒去？她說：「個女已經十歲，有諗過帶佢去，佢都有提出想去，但係今次時間唔配合或者遲啲有機會再考慮。」問到可會一家人一齊去探訪？她說：「唔會，因為如果一家人一齊去，小朋友會覺得好似去旅行咁。」關詠荷又指老公張家輝有提醒她到陌生地方要小心。