名人：11歲囡囡身高161cm　琦琦激讚

名模琦琦以星級評判身分出席模特兒比賽，身負重任為活動選出模界後起之秀，問到有否在眾人當中看見自己當年的影子？她說：「未喎，我未真正睇過佢哋，頭先要briefing，所以未仔細睇過，但頭先見到有一、兩個幾好。（咩吸引你？）樣同身材，一陣要睇埋拍平面同行騷表現，因為model要身材比例好，唔夠高就做唔到專業model，可以拍吓廣告，但一陣贏咗嘅model係會簽約，所以要選一個專業嘅。」

爆囡囡偶像係國際名模

談及囡囡任晴佳（Ella）亦很有模特兒風範，琦琦即笑言若囡囡來比賽，肯定贏冠軍，她說：「我個女依家11歲就已經161cm。（全級最高？）全級排第六，好多人高過佢，男仔就仲多，依家小朋友可能營養好，返學又有好多運動，普遍都好高，身材比例同線條都好過我哋。（會唔會傳授心得畀佢？）佢依家係學生，就已經好鍾意世界上兩個好出名嘅模特兒，Kendall Jenner同Gigi Hadid，佢有睇佢哋點着衫，學佢哋style，我就話睇着衫好喇，唔好學其他嘢，佢哋男朋友嘅相就唔使睇喇，做家長係要講吓，但佢哋係着得好型，小朋友有個目標同榜樣都好。」

返學着leggings

琦琦又謂囡囡的時尚觸覺已青出於藍，她說：「但係佢心目中，爸爸媽媽着衫好高分，佢自己就好鍾意着運動衫，tight pants（緊身褲），好緊好難着嗰啲，同埋短褲，我覺得好有型。（會唔會叫佢着短褲小心啲？）佢打底好過我做模特兒，好專業，佢返學都一定着leggings喺入面，好保守。」

最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！

最強娛樂APP「東網巨星」下載連結：

http://on.cc/redirect/entertainment