陸永《殭》激吻C君直言痛苦想忘記

組合農夫成員陸永在剛播完的大熱劇《殭》中，演技有突出表現，其中兩幕跟任客串的組合成員C君親吻戲最令人難忘，陸永接受《東網》電話訪問時重提這幕咀戲，他說：「我從未咀過男人，都係為拍劇啫，其實喺螢幕播兩秒，但拍時，每次都咀成兩分鐘，（感覺如何？）仲記住咩，忘記咗佢啦，（係一日內拍晒兩場咀戲，仲係分開兩次拍？）梗係一日內拍晒啦，痛苦一次算啦。」

談及陸永在劇中有不少動作場面，他說：「其實真係有練過（功夫）嘅，練咗成兩個月，係劇集嘅武指專登幫我哋設計啲武打，係集各門功夫大成，初時我都覺得自己唔係咁打得，好在拍出嚟效果都幾好。」問《殭》終於大結局可感不捨？他直言有不捨感覺，因劇集足足拍了半年時間。