菅田露毛無助收視　福山月9劇創史上新低

日本男神福山雅治婚後首部日劇《Love Song》，大膽起用寂寂無名嘅樂壇女新人藤原櫻做女主角，首播前已慘遭外間預測大有機會更新富士電視台「月9」重頭劇史上最低收視紀錄，豈料預言在第6集已經應驗！

昨晚播放嘅第6集雖有當紮男星菅田將暉剝衫露腋毛同女星山口紗彌加上演床上親熱戲，但仍然無助收視，只錄得6.8%，不單止取代咗兩年前尾野真千子主演作《極惡份子》嘅「月9」史上單集最低收視紀錄，而至今6集平均8.8%嘅收視成績，亦打破上季有村架純擔正嘅《思戀哭泣》暫成史上最低！幸而作品當中嘅樂曲獲觀眾好評，未知日後能否協助收視回升。