傳梁榮忠將結婚做爸爸　貴花田：唔知喎

藝人梁榮忠慘遭讀者爆料將與小師妹拉埋天窗，兼快榮升爸爸，梁榮忠已否認有關傳聞，並直斥荒謬中之荒謬，強調與小師妹只是工作夥伴，與對方沒有拍拖及結婚，現時仍然單身。梁榮忠近年夥拍電台主持人貴花田及曾志豪為開咪，記者走訪電台想向當事人求證時，節目監製透露梁榮忠正放大假。

貴花田、曾志豪及暫時頂替梁榮忠兩個星期的王耀祖接受訪問，三人坦言不相信傳聞，貴花田更反問記者說：「唔知喎，邊個爆料？」問到信唔信梁榮忠佢結婚？貴花田說：「麻麻哋，因為知道佢好專心做緊一樣嘢。（就係結婚大事？）唔係，因為節目年尾有嘢搞。」至於有指對方將做爸爸，三人依舊表示不知情，曾志豪說：「嘩！劇本咁好嘅。」而王耀祖直認認識傳聞中的「女主角」小師妹，他說：「佢都係我師妹，不過唔信佢有咗，因為佢之前做完兒童劇，當中又跑又跳。」