樂基兒出山拍戲 同周秀娜鄧麗欣爭仔
20160518
東網電視
更多新聞短片
樂基兒再拍電影，勁期待呀！
35歲嘅「前黎明嫂」名模樂基兒（Gaile）多年來主攻模特兒工作，甚少演戲，只係喺入行早期曾演出過電影《I do戀性世代》及《甜絲絲》，闊別大銀幕已12年嘅佢最近竟「出山」接拍電影，仲要同周秀娜、鄧麗欣（Stephy）打交爭仔！
食自己狂開源
其實Gaile於2008年同天王黎明結婚後生活富足「唔使做」，直到同黎明四年婚姻結束後，Gaile回歸「食自己」日子。雖然佢離婚後曾經喺峇里島購入私人海灘及度假屋，感覺好優哉悠哉兼好識歎，但其實為保生活質素，佢絞盡腦汁諗計開源，除咗拍廣告同行騷等，更投資餐廳、首飾生意，兼為品牌擔任設計師。
受品牌縮皮影響
不過鑑於近年香港經濟不景氣，各品牌預算均告縮皮，唔少Model收入大受影響，仲有Model不惜半價接騷謀求出路，就連Gaile，最近都決定撈多瓣再度踩入影壇！
三女鬥餐死
今次Gaile接拍由伍健雄監製、火火執導新片《女士復仇》，同Stephy、周秀娜齊齊擔任女主角，戲中三位女角各有突出性格，Gaile飾演女飛虎隊成員，周秀娜演飛賊，Stephy就演女殺手，三人更Share同一男角，感情線亂晒籠！
其中一幕重要場口係佢哋爭仔大打出手，「正印」Stephy惡鬥「小三」娜姐、「小四」Gaile，劇情夠晒爆！周秀娜入行時曾經有「翻版樂基兒」之稱，如今娜姐已升呢，再遇「原裝版」Gaile兼有對打戲，亦是一大噱頭。
瞄準影展
據知《女》片係本地製作，成本同片酬都唔算高，但電影計劃去外地參加大小影展，而且劇本特別，成功吸引Gaile「出山」，因戲中不乏動作場面，三位女角事前都要作接受動作訓練。
該片監製伍健雄表示，一看劇本就覺得角色非常適合Gaile，結果與Gaile一拍即合速成合作，他說：「Gaile好支持本地製作，雖然酬金唔多，但佢鍾意個題材。（點解搵佢做女飛虎？）我搵親角色都要啱劇本，一望就覺得係佢，上次劉美君拍《性工作者2：我不賣身．我賣子宮》都覺得適合佢，結果出嚟效果好好。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。如果鍾意韓風嘅，集中介紹最新韓劇、韓片同韓國最新歌曲嘅《韓劇榜》，同埋Highlight每周韓星訪港精彩片段，以及報道韓國演藝圈最新動態嘅《韓風吹》絕對啱晒你。仲諗咩呀！快啲Download啦！
最強娛樂APP「東網巨星」下載連結：