名人：羅力力擲千萬做「創二代」

「創二代」意指創業家的第二代，憑自己努力去創業的一群，成都房地產公司金林置業董事長羅琳的獨女羅力力（Lili）就是其中之一。年僅29歲的Lili放棄打理家族事業，斥資逾千萬港元於2013年在南韓首爾，獨資創立科技孵化中心Tribeluga。Tribeluga專投資在一些新研發的科技上，幫它們發展並引入內地市場，目前集中在健康、環保和教育這三個範疇。Lili說：「中國人話創業不如守業難，係老一輩嘅努力奠定我哋今日嘅基礎。我要跟上上一代嘅拚勁，承傳佢哋嘅優良品德：以誠感人、以德服眾、以和為貴等，更紮實地踏上我嘅創業路。（困難？）我由零開始，好難，一年都有兩、三次諗過放棄。不過我得到好多朋友幫助，拉咗我一把，我要證明畀佢哋睇，佢哋拉我係值得嘅，會做出好成績。」因工作關係，Lili在美國常被邀出席活動與不少名人同場，其instagram就上載了與美國總統候選人希拉妮、英國人氣歌手Rita Ora、霍啟剛與郭晶晶等人的合照。

相信緣分

工作忙碌的她，常穿梭香港、北京、成都、首爾和美國硅谷，問到可有時間拍拖？她說：「我仲未有諗，呢啲嘢可遇不可求。（你咁好條件，對男友要求高嗎？）冇要求，我唔會定個list話要咩條件嘅對象。我相信緣分，相信感覺，如果啱就自然會fall in love，唔需要講條件，最重要係跟自己嘅感覺走。」