凍齡男女星傳授不老秘訣！
20160520
東網電視
更多新聞短片
佢哋六十歲以上？
61歲周潤發保養得宜，絕對係世衞所講青年人！其實圈中有唔少同佢年齡相若嘅藝人，依然喺圈中活躍同Keep得好好，樣貌十年如一日，齊齊譜寫「不老的傳說」！究竟佢哋點睇周潤發keep得咁好？自己又有咩養生之道？等他們逐一跟大家分享！
趙雅芝日日做體操
「發哥注重運動，當然能保持健康靚仔，加上發嫂喺生活上嘅照顧，好完美，當然值得讚啦！而我嘅養生之道，就選擇每日喺屋企做柔軟體操，另外我覺得保持樂觀積極嘅心態都好重要，同埋擁有一顆善良嘅心，人自然會生活得開心。」
米雪出汗更精神
「做運動當然好，起碼有一個鐘以上，最好係出汗，等新陳代謝快啲，更有精神，支持發哥！至於世衞所發表嘅新標準話65歲唔係年老一事，我當然覺得好開心！我哋同行好多同事都行山、踩單車、練氣功，一個學一個，郁到80歲都要郁呀！」
任達華心境要開朗
「個報告好好，我覺得65歲應該係少年添咋！我嘅養生之道係做運動、多飲水、多食水果，注重家庭樂，保持心境開朗，有正能量，多睇書、電視同紀錄片。（點睇周潤發話每日運動2至3小時？）人人情況唔同，工作忙嘅，其實搵教練學，自己每日做半個鐘運動都好足夠。」
最強娛樂APP《東網巨星》，不時推出最新最好玩娛樂節目，除了早前推出的特備節目《發哥有Say》、《黎明話你知》外，每個禮拜都仲有好多其他精彩娛樂節目。預知未來，相信好多人都希望做到，《東網巨星》APP其中一個重點節目《玄學星相》，除咗教識大家點樣催吉避凶，仲會以玄學角度，幫大家八盡每周娛樂熱話㗎！
最強娛樂APP「東網巨星」下載連結：