《爸》劇再被抽起 曾醒明:一定會出街

20160520
東網電視
更多新聞短片
曾醒明表示《爸》劇再次讓路,係節目編排策略上嘅調動,又指會於稍後適當時間安排出街。

由李思捷、黃智雯及陳志燊演出的無綫劇集《爸B有話兒》原定本月30日承接《火線下的江湖大佬》首播,但近日無綫卻作出調動,改為播出由吳啟華、蔡思貝及李施嬅演出的《純熟意外》,此乃《爸》劇繼《末代御醫》及《火》劇後第三次讓路。

無綫企業傳訊部宣傳科副總監曾醒明對此表示:「係節目編排策略上調動,無綫每年有500幾小時劇集,入面都會有唔同品種,隨時因應劇種因時制宜作出適當編排,但呢套劇唔會唔出街,會稍後適當時間安排出街。(點安慰演員?)公司方面會同製作部、監製、參與演員短期內舉行聚會,安撫番同解釋公司調動策略,劇集出街都希望喺有利環境下獲得最好嘅回報,相知台前幕後都明白同支持公司決定。」

深宵有望繼續播黎明劇集

而深宵時段方面,基於黎明熱潮仍然持續,原定安排黎明主演的劇集《回到未嫁時》接棒《寵物情緣》於本月31日起播出,但及後卻改播另一套同是黎明孭飛的劇集《人在邊緣》作打頭陣播出,問到為何有此安排?曾醒明謂:「無綫認為《人》劇比較上好啲。(之後繼續播黎明嘅劇?)係有咁嘅打算,但都要視乎觀眾反應,公司手上都有好多黎明其他嘅作品,可能性都極高嘅。」