雷晴雯行博物館唔肯走　同男友鬧交收場

藝人雷晴雯（Winnie，前名雷穎怡）日前獲邀出席法國五月藝術節的重頭展覽《克勞德．莫奈作品展》，並獲展覽策展人、文化遺產總監暨里爾美術宮及伯爵夫人濟貧院博物館館長Mr. Bruno Girveau親自導賞，令Winnie大呼獲益良多。

醉心藝術的Winnie坦言開心又興奮：「莫奈係其中一位我非常鍾意嘅畫家，之前已滿心期待，發夢冇諗過可以有榮幸獲得邀請率先欣賞，真係非常感恩！」

對舞蹈同藝術着迷似病態

Winnie過去曾副修美術及在各類型比賽中獲獎，她直言畫畫可減壓，心靈可藉着顏料獲得釋放：「作畫期間嘅忘我、專注以及心無旁騖絕對係最佳自我療愈方法。」她又自嘲對舞蹈及藝術方面着迷得近乎病態，每次旅行都第一時間鎖定當地藝術館及博物館，最誇張一次是十幾年前跟當時男朋友到英國一星期，Winnie竟用四日行藝術館，每次起碼逗留四至五小時，參觀大英博物館更行到關館都唔捨得走，結果令另一半嗌頂唔順並鬧交收場。