60歲米雪認係青年人　預告再拍TVB劇

藝人米雪與李家仁醫生到佐敦出席活動，米雪與現場一班小朋友玩得投契，她說：「我對小朋友都幾有心得同方法，如果佢哋扭計呢，我都跟佢哋一齊扭計。（對姨甥女徐穎堃都係用呢種方法？）係呀，我哋之前仲去咗新加坡十日，之後我再去重慶、上海工作。（同姨甥女合照被讚似姊妹？）點會呀？都係美圖效果嚟啫，真人唔係咁嘅。」

保找神秘唔講對手

提到日前世界衛生組織發表報告，指65歲或以下仍屬青年，現年60歲的米雪表示：「同意呀！你睇周潤發、任達華佢哋就知啦！我自己嘅養生之道就係做運動，進食啲健康嘅食材，要對身體有益嘅！嚟近我都會返TVB開劇，係時裝，唔拍古裝住啦，依家咁嘅天氣。（同咩對手合作？）遲吓有記者會，到時公布。」