【角度的重要性】小S呻細女影醜自己

台灣女星小S（徐熙娣）家有三個千金，孻女「許老三」精靈得意，盡得網民歡心，吸LIKE無數，難怪連媽咪小S都妒忌佢咁多粉絲啦！而「許老三」呢日又出動萌招，小S呢日喺微博分享「許老三」嘅自拍短片，佢揸機拍低媽咪幫佢紮頭髮嘅溫馨時刻，仲用「BB音」講嘢，唔少網友都話得意到暈！唯獨是小S唔多滿意，皆因囡囡用「低抄」角度，影到佢好肥，搞到佢留言大呻：「到底要多前面？而且把媽媽的下巴拍得好厚！」