駱胤樺做電燈膽 駱胤鳴爆男友唔介意

20160522
東網電視
更多新聞短片
家姐駱胤樺(左圖左)冇拖拍,但駱胤鳴話男友唔介意三人行喎!

組合SIS樂印姊妹今日出席青年大使計劃畢業嘉許禮擔任表演嘉賓,樂印表示長大後也有做義工,她們說:「媽咪喺一啲弱智院舍做護理人員,所以我哋都有去院舍同弱智人士玩吓!」平時也會去探訪老人家,與長者聊聊天,又唱歌給他們聽,她們笑言要學定唱一些舊歌,最叻是唱汪明荃的《萬水千山總是情》,粵曲就只識得唱「帝女花」幾句,她們笑說:「有時啲公公婆婆教番我哋唱!」

鍾意有才華踏實嘅男仔

日前妹妹駱胤鳴自爆有拍拖,談到男友她笑言大家不認識,她笑說:「係圈外人,不過以前做過DJ,依家已經轉行。」姐姐胤樺就未有拖拍,妹妹取笑姐姐眼角好高,又不愛口甜舌滑的男仔,胤樺說:「我鍾意啲有才華,踏實啲嘅!(依家有冇人追?)有嘅!」她笑言眼見妹妹與男友拍拖好無聊,愛在家中玩貓和打機!不過姐姐沒有拍拖,豈不是經常三人行做電燈膽?胤鳴笑說:「係呀,不過男朋友都唔介意!」